नेपाल आइडल’का निर्णायक परिवर्तन, नयाँ निर्णायकमा गायक शम्भुजित बाँस्कोटा, सुगम पोखरेल र शिवानी मोक्तान

४ भदौ, काठमाडौं । गायन रियालिटी सो नेपाल आइडल चौंथो सिजनका लागि निर्णायक परिवर्तन गरेको छ । शम्भुजित बास्कोटा, सुगम पोखरेल र सुवानी मोक्तान निर्णायकमा चयन भएका छन् ।

पहिलो सिजनदेखि तेस्रो सिजनसम्म न्ह्यू बज्राचार्य, कालीप्रसाद बास्कोटा र इन्दिरा जोशी निर्णायक रहेकोमा यो सिजनबाट नयाँ निर्णायक चयन गरिएको हो। शोको होस्ट आशिफ साहले गर्नेछन् भने उनको को–होस्टमा टीकटक स्टार तथा मोडेल रेश्मा घिमिरे रहने जनाइएको छ ।

यस्तै, आइडलको डिजिटल अडिसन शुरु भएको छ। भदौ १ बाट डिजिटल अडिसन शुरु भएको हो। भदौ ३१ गतेसम्म अडिसन दिन सकिने जनाइएको छ। अडिसन दिन मोबाइल फोनको ‘प्ले स्टोर’ मा गएर एपिवानको एप्लिकेसन डाउनलोड गर्नुपर्नेछ ।