इन्भेष्टमेन्ट बैंकको लाभांश परिमार्जन, बोनस सेयरमा जोड

काठमाडौं– नेपाल इन्भेष्टमेन्ट बैंकले यसअघि घोषणा गरेको लाभांश संशोधन गरेको छ।बैंकले गत आर्थिक वर्षको मुनाफाबाट सेयरधनीलाई वितरण गर्न घोषणा गरेको लाभांशमा नगद र बोनस सेयरको अंश परिमार्जन गरेको हो।

नेपाल राष्ट्र बैंकको निर्देशन अनुसार बैंकले लाभांश संशोधन गरेको जनाएको छ। कात्तिक २ गते बसेको बैंकको सञ्चालक समितिको बैठकले लाभांश संशोधन गर्ने निर्णय गरेको हो।

हाल बैंकको चुक्ता पूँजी १६ अर्ब २५ करोड ७३ लाख २९ हजार ५०० रुपैयाँ छ। प्रस्तावित बोनस सेयर वितरणपश्चात् बैंकको चुक्ता पूँजी १८ अर्ब ३० करोड ७५ लाख ४१ हजार ३२३ रुपैयाँ पुग्नेछ।