सुनको मूल्य तोलामा ३ सय रुपैयाँले गिरावट, चाँदी पनि ओरालो लाग्यो

भदौ ६, काठमाडौं । भदौ ६ गते, आइतबार सुनको मूल्य तोलामा ३०० रुपैयाँले ओरालो लागेको हो।

यस दिन छापावाला सुन प्रतितोला ९० हजार ९०० र तेजाबी सुन प्रतितोला ९० हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघकाले जनाएको छ ।

गत शुक्रबार प्रतितोला ९१ हजार २ सय रुपैयाँमा कारोबार भएको थियो। बितेका साता प्रतितोला ९० हजारभन्दा तल पुगेको सुनको कारोबार मूल्यमा पुनः सुधार भएको छ।

चाँदीको मूल्य तोलामा १५ रुपैयाँले गिरावट आएको छ। चाँदी प्रतितोला १ हजार १ सय ८० रुपैयाँ कायम भएको छ। गत शुक्रबार चाँदी प्रतितोला ११९५ रुपैयाँमा कारोबार भएको थियो।

अन्तर्राष्ट्रिय बजारमा आइतबार सुन प्रतिऔंस १७८१.७७ डलर छ। यस्तै चाँदी आइतबार प्रतिऔंस २३.०२ डलरमा कारोबार भइरहेको छ।