इजरायल जानेको अन्तिम नतिजा सोमबार, चिठ्ठामार्फत कामदार छान्ने

Heading1

BusinessSarokar | १९ मंसिर २०८२, बिहीबार

काठमाडौं – सुसारे कामका लागि इजरायल जान भाषा परीक्षा उत्तीर्णहरुको अन्तिम नतिजा आउँदो सोमबार सार्वजनिक हुने भएको छ ।

वैदेशिक रोजगार विभागले लिएको अन्तर्वार्ताबाट छनोट भई इजरायल सरकारका तर्फबाट छनोटको प्रतीक्षामा रहेकाहरूको नतिजा सोमबार सार्वजनिक हुने भएको हो । नेपाली समयअनुसार सोमबार दिउँसो साढे १२ बजे इजरायलको जेरुसेलममा सम्बन्धित निकायका प्रमुखहरूको उपस्थितिमा लट्री (चिठ्ठा) मार्फत श्रमिकको छनोट गर्ने कार्यक्रम छ ।इजरायल जान एक हजार ६ सयले भाषा परीक्षा उत्तीर्ण गरेका थिए । त्यसमध्येबाट एक हजारले मात्रै इजरायल जान पाउने विभागले जानकारी दिएको छ । इजरायलमा हुने लट्रीको नेपालस्थित इजरायली दूतावासको फेसबुक पेज ‘इजरायल इन नेपाल’ मार्फत नतिजा प्रत्यक्ष हेर्न सकिने दूतावासले जनाएको छ ।

विभागले लिएको अन्तर्वाताबाट १,१२० महिला र ४८० पुरुष छनोट भएका थिए । उत्तीर्णको यो सूची विभागले १० असोजमा नेपालस्थित इजरायली दूतावासमा पठाएको थियो । इजरायल जाने कामदारले डेढ लाख भन्दा धेरै रकम खर्चिनु पर्छ ।

सेयर गर्नुहोस्: Facebook Twitter WhatsApp

अघिल्लो यस्तो छ आजको विदेशी मुद्राको विनिमय दर

पछिल्लो यस्तो छ आजको विदेशी मुद्राको विनिमय दर

सम्बन्धित खबर

इजरायल जानेको अन्तिम नतिजा सोमबार, चिठ्ठामार्फत कामदार छान्ने

सम्बन्धित खबर

यस्तो छ आजको विदेशी मुद्राको विनिमय दर

नेपालमा आइफोन–१३ को प्रि–बुकिङ खुल्यो

तरलता प्रवाह दोब्बरले बढ्यो

सरकारले बीमा गराएर जनतालाई झुक्यायो, २१ अर्ब ७६ करोड बीमा दाबी भएन भुक्तानी