विराटनगर विमानस्थल भोलिदेखि खुलाउने तयारी
BusinessSarokar
|
१९ मंसिर २०८२, बिहीबार
काठमाडौँ – बाढीका कारण जलमग्न भएको विराटनगर विमानस्थल भोलिदेखि खुलाउने तयारी भएको छ ।
आज बेलुकासम्ममा विमानस्थल सफा गरी डुबेका सामग्री तथा उपकरणको जाँच गरेर भाेलिदेखि विमानस्थल खुलाउने तयारी गरेको विमानस्थलका प्रमुख उत्सवराज खरेलले उज्यालोलाई जानकारी दिनुभयो ।
उहाँले भन्नुभयो ‘भोलिदेखि विमानस्थल खुलाउन आज बेलुकासम्ममा सबै काम सक्ने गरी प्रयासमा जुटेका छौँ । सबै ठिकठाक भए भाेलि बिहानदेखि उडान अवतरण सुरु गर्छौँ।’
हिजोदेखि पानी पर्न रोकिए पछि विमानस्थलमा जमेको पानी घट्दै छ । विमानस्थलको धावनमार्ग र ट्याक्सी मार्गलगायतका क्षेत्रमा पानी घटे पनि टर्मिनल भवन, पार्किङ क्षेत्र तथा परिसर आसपास अझै डुबानमा रहेकाले भोलिदेखि मात्र हवाई सेवा सुरु गर्ने तयारी गरेको विमानस्थलका प्रमुख उत्सवराज खरेलले जानकारी दिनुभयो ।
हवाई उडान र अवतरण कहिलेदेखि नियमित गर्ने भन्नेबारे टुङ्गो नभए पनि मौसम सफा भए भोलिदेखि हवाई सेवा सुरु गर्ने विमानस्थल कार्यालयको तयारी छ । विमानस्थलमा फसेका दुई वटा विमान भने सुरक्षा जाँच पछि हिजै काठमाण्डौ फर्काइएको छ ।
स्थानीय केसलिया खोलामा आएको बाढीका कारण विमानस्थल जलमग्न भएको थियो । गएको मङ्गलवारदेखि विराटनगरबाट हुने सबै उडान तथा अवतरण बन्द छन् ।
सम्बन्धित खबर
मौद्रिक नीतिको असर : सेयर बजारमा पहिरो
१९ मंसिर २०८२, बिहीबार
न्यूरोडस्थित नगद बचत तथा ऋण सहकारी संस्था आर्थिक संकटमा
१९ मंसिर २०८२, बिहीबार
असोज २३ गतेदेखि पोखरा–जोमसोम उडान नियमित हुने
१९ मंसिर २०८२, बिहीबार