पोल भाडा बढेको भन्दै इन्टरनेटको शुल्क बढाउँदै सेवाप्रदायक

काठमाडौं– नेपाल विद्युत् प्राधिकरणले पोलको भाडा बढाएको भन्दै इन्टरनेट सेवा प्रदायक संघ, नेपाल (आइस्पान)ले इन्टरनेटको मूल्य बढाउने निर्णय गरेको छ।

आइस्पानको बुधबारको बैठकले ग्रामीण क्षेत्रमा प्रतिग्राहक प्रत्येक प्याकेजमा मासिक तीन सय र सहरी क्षेत्रमा प्रतिग्राहक १५० रुपियाँसम्म इन्टरनेटको मूल्य बढाउने निर्णय गरेको हो। उक्त निर्णय सदर गरिदिन प्राधिकरणलाई औपचारिक रूपमै आग्रह गरिएको पराजुलीले बताए।

विद्युत प्राधिकरणले भदौ २९ गते सूचना जारी गर्दै ओपीजीडब्लू केबलको पोल भाडादर सात गुणासम्म बढाएको आइस्पानले जनाएको छ। सूचनाअनुसार अबदेखि इन्टरनेट सेवा प्रदायकहरूले प्रतिकिलोमिटर ओपीजीडब्लू केबलको भाडा ३२ हजार रुपैयाँसम्म तिर्नुपर्नेछ।

इन्टरनेट सेवा प्रदायकहरूको आफ्नै पूर्वाधार नहुँदा अहिले देशैभर सबैले विद्युत् प्राधिकरणको पोलमा केबल टाँगेर सेवा प्रदान गर्दै आइरहेका छन्।

पोल भाडादरको विषय टुङ्ग्याउन समिति गठन गरे पनि त्यसबाट कुनै निर्णय नभएको र विद्युत् प्राधिकरणले सूचना नै जारी गरेको अवस्थामा मन्त्रालयबाट समन्वय गर्नुको विकल्प नभएको दूरसञ्चार प्राधिकरणका अध्यक्ष पुरुषोत्तम खनालले बताए।