लाइसेन्सको नयाँ आवेदन असोज दोस्रो सातादेखि

काठमाडौं– सवारी चालक अनुमति पत्र (ड्राइभिङ लाइसेन्स)का लागि नयाँ आवेदन असोज दोस्रो सातादेखि नयाँ आवेदन खुल्ने भएको छ। कोभिड–१९ कारण बन्द भएको पाँच महिनापछि नयाँ आवेदन खुलाउने तयारी गरेको यातायात व्यवस्था विभागले जनाएको छ।

बन्द हुनुअघि नै फारम भरिसकेका सेवाग्राहीको भने गत भदौ २० देखि लिखित र प्रयोगात्मक परीक्षा सञ्चालन भइरहेको विभागले जनाएको छ।

लिखितमा न्यूनतम ६० अंक ल्याएमा उत्तीर्ण हुने र प्रयोगात्मकमा ७० ल्याएमा पास हुने कार्यविधिमा उल्लेख छ।