शुदेस खालिङ्गले पाए एभरेष्ट बैंकको सिईओको जिम्मेवारी

८ असोज, काठमाडौं । एभरेष्ट बैंक लिमिटेडले नयाँ प्रमुख कार्यकारी अधिकृतमा शुदेस खालिङ्गलाई नियुक्त गरेकोे छ ।

विगत ३५ वर्षदेखि बैंकिङ्ग क्षेत्रको अनुभवको साथ विभिन्न बैंकहरुमा सफलतापूर्वक सेवा प्रदान गर्दै आएका खालिङ्गले आज शुक्रबारदेखि औपचारिक रुपमा एभरेष्ट बैंकमा आफ्नो कार्यकाल सुरु गरेका हुन् ।

स्थापनाको २५ वर्षसम्म भारतीय नागरिकलाई मात्रै प्रमुख कार्यकारी अधिकृतको जिम्मेवारी दिदै आएकोमा यस पटक भने नेपालीलाई नै जिम्मेवारी सुम्पेको छ । भारतबाट प्रमुख कार्यकारी अधिकृत ल्याउदा व्यवहारिक कठिनाइ भोग्नु पर्नेको भन्दै बैंकले नेपालीलाई नै उक्त जिम्मेवारी दिएको हो ।