रसुवा बाढीमा परेकामध्ये १६२ जनाको शव फेला

११ भदौ, काठमाडौं । रसुवाको भोटेकोशी नदीमा आएको बाढीमा परेकामध्ये हालसम्म १६२ जनाको शव फेला परेको छ। नेपाल प्रहरीले बिहीबार बिहान ५ बजेसम्मको विवरण सार्वजनिक गर्दै बाढी प्रभावित आठ जिल्लाबाट १६२ जनाको शव फेला परेको जनाएको हो। 

प्रहरीका अनुसार चितवनमा सबैभन्दा धेरै ६४ जनाको शव फेला परेको छ। त्यस्तै धादिङमा २७, नवलपरासी पूर्वमा २६, गोरखामा २०, नुवाकोटमा १२, तनहुँमा ९, रसुवामा २ र नवलपरासी पश्चिममा २ जनाको शव फेला परेको छ। 

बाढीपछि विभिन्न जिल्लाका नदी तथा तटीय क्षेत्रमा बेपत्ता भएकाहरूको खोजी तथा उद्धार कार्य जारी रहेको प्रहरीले जनाएको छ। पछिल्लो विवरणअनुसार २८ जना प्रहरी कर्मचारी अझै सम्पर्कविहीन छन्। 