आज देशैभरी १८९७ जनामा कोरोना संक्रमण, २० जनाको मृत्यु

२१ भदौँ, काठमाडौं । पछिल्लो २४ घण्टामा देशैभरी १८९७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १४८८ जना र एन्टिजन परिक्षण गर्दा ४०९ जना गरि जम्मा १८९७ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा १७४३ जना कोरोनामुक्त भएका छन् योसंगै नेपालभर हालसम्म कोरोना संक्रमित निको हुनेदर ९४.६ प्रतिशत रहेको छ । पछिल्लो २४ घण्टामा मृतकको संख्या २० रहेको छ । यस्तै हालसम्म कोरोनाबाट मृत्यु हुनेको संख्या १० हजार ८ सय ५८ रहेको छ ।

पछिल्लो २४ घण्टामा १५ हजार ९७९ जनाको कोरोना परिक्षण गरेका थिए ।