कुमारी बैंकका ग्राहकलाई सारथि होटेलमा विशेष छुट

१४, असोज, काठमाडौं । कुमारी बैंक लिमिटेडका ग्राहकले काभ्रेको धुलिखेलस्थित सारथि होटेलमा विशेष छुट पाउने भएका छन्।

बैंकका ग्राहकलाई छुट दिने सम्बन्धमा कुमारी बैंक र सारथि होटेल प्राइभेट लिमिटेडबीच सहकार्य भएको हो। सो सहकार्यपश्चात कुमारी बैंकका ग्राहकले सारथि होटेलअन्तर्गतका विभिन्न खानपिनलगायतमा १०%देखि १५% सम्मको आकर्षक छुट प्राप्त गर्न सक्ने छन्।

जिन्दगीको निरन्तर यात्रामा थकित तन र मनलाई गतिशील राख्न एवं मानसिक सचेतना तथा ऊर्जा पूणर्जागरणका लागी विश्राम तथा मनोरञ्जन अत्यावश्यक रहेको र दैनिक जीवनको कार्य व्यस्तताबाट राहतका लागि सो होटेलको बसाइ सेवाग्राहीका लागि लाभदायक हुनेमा विश्वस्त रही कुमारी बैंकले आफ्ना ग्राहकलाई यस सहकार्यमार्फत सारथि होटेलका विभिन्न सेवाहरुमा बैंकको डेबिट/क्रेडिट कार्डबाहकलाई आकर्षक छुटको व्यवस्था गरेको हो।

सम्झौतापत्रमा छुटसम्बन्धी कुमारी बैंक बनेपा शाखाकी शाखा प्रबन्धक नवीना बैद्यले तथा सारथि होटेलका प्रबन्ध निर्देशक तथा कार्यकारी अध्यक्ष प्रह्लाद प्याकुरेलले हस्ताक्षर गरेका छन्।