६ घण्टा फेसबुक बन्द हुँदा कति रकम लाग्यो घाटा?

काठमाडौं- फेसबुक, इन्स्टाग्राम, म्यासेन्जर र व्हाट्सएप प्राविधिक समस्याका कारण ६ घण्टा बन्द भए।

प्राविधिक समस्याका लागि मुख्य कम्पनी फेसबुकले माफी मागेको छ। तर, उसले यसको पछाडिको कारण भने उल्लेख गरेको छैन।

विश्लेषकहरुका अनुसार फेसबुक र अरु सामाजिक सञ्जालमा आएको समस्याका कारण विज्ञापनबाट हुने कमाइमा ठूलो क्षति पुगेको जनाइएको छ। कम्पनीलाई प्रति घन्टा १ मिलियन डलर (करिब११ करोड ९० लाख नेपाली रुपैयाँ)घाटा भएको बीबीसीले उल्लेख गरेको छ।

यसबाट फेसबुकलाई सेयर बजारमा पनि ठूलो क्षति भएको छ। न्यूयोर्कमा फेसबुकको सेयर पाँच प्रतिशतसम्म तल झरेको छ।