लगानी बोर्डको बैठक बस्दै

काठमाडौं– लगानी बोर्डको ४८औं बैठक शुक्रबार (आज) बस्ने भएको छ। शेरबहादुर देउवा प्रधानमन्त्रीमा नियुक्त भएपछि पहिलो पटक बोर्डको बैठक बस्न लागेको हो। प्रधानमन्त्री बोर्डको अध्यक्ष हुने कानुनी व्यवस्था छ।

बोर्डका अनुसार दोलखाको जुमखोला जलविद्युत् आयोजनाको लगानी स्वीकृति, अरुण तेस्रो जलविद्युत् आयोजनाको पुँजी वृद्धि, माथिल्लो कर्णाली जलविद्युत् आयोजनाको वित्तीय व्यवस्थापनको ढाँचालगायतका विषयहरूले बैठकमा प्रवेश पाउने भएको छ ।