सनराइज बैंकले ल्यायो भाद्र महिनामा नारीहरुलाई छुटै छुट

३ भदौ, काडमाडौं । सनराइज बैंकले तिजको अवसरपारी नारी विशेष योजना ल्याएको छ । यस योजना अन्र्तगत आफ्ना ग्राहकहरुको लागि भाद्र महिनाभरि विभिन्न सेवाहरु निशुल्क गर्नुका साथै क्यास ब्याक र छुटहरुको पनि व्यवस्था गरेको छ ।

बैकले भदौ महिनाभरि नारी बचत खाता खोल्ने महिलालाई आकर्षक ब्याज र पहिलो बर्षको लागि डिम्याट, मेरो शेयर, डेबिट कार्ड, क्रेडिट कार्ड तथा लकर सेवा निःशुल्क दिने बैेंकले जनाएको छ ।

साथै, भदौ महिना भरी अनलाइन खाता खोल्ने नारीहरुलाई पहिलो कारोबार गर्दा २५ प्रतिशत वा ३ सय रुपैयांसम्मकोे छुट समेत प्राप्त गर्न सकिने बैंकले जनाएको छ ।

साथै सन्राइज नारी बचत खाता हुने सम्पूर्ण ग्राहकहरुलार्ई भाद्र महिनाभरि कर्जा लिँदा प्रशासनिक शुल्कमा ०.२५ प्रतिशतसम्मकोे छुट दिने समेत बैंकले जनाएको छ ।