दुई वाणिज्य बैंकले गरे लाभांश घोषणा
७ आश्विन २०७८, बिहीबार ०६:३८
काठमाडौं– वाणिज्य बैंकहरुले गत आवको मुनाफाबाट सेयर धनीलाई दिने लाभांश घोषणा गर्न थालेका छन्। हालसम्म सानिमा र माछापुच्छ्रे बैंकले लाभांश घोषणा गरेका हुन्।
बैंक सञ्चालक समितिको बुधबार बसेको बैठकले लाभांश प्रस्ताव गरेको हो।
सानिमा बैंकले गत आर्थिक वर्षको मुनाफाबाट १७ प्रतिशत बोनस सेयर र कर प्रयोजनको लागि ०.८९ प्रतिशत नगद लाभांश प्रस्ताव गरेको हो।
त्यसैगरी माछापुच्छ्रेले १३.३० प्रतिशत बोनस सेयर र कर प्रयोजनको लागि ०.७० प्रतिशत नगद लाभांश वितरण गर्ने प्रस्ताव गरेको हो।
दुवै बैंकको प्रस्ताव नेपाल राष्ट्र बैंकको स्वीकृति र बैंकको आगामी साधारणसभाले पारित गरेपछि लागु हुनेछ।
