साहस उर्जाको आईपीओ बाँडफाँट, १७ लाखभन्दा बढीको हात खाली

मागभन्दा पाँच गुणा बढी आवेदन परेको कम्पनीको सेयर गोलाप्रथाबाट गरिएको छ। कुल आवेदक २३ लाख ८३ हजार ४ सय ६० जनामध्ये ६ लाख ४४ हजार जनाले मात्र १० कित्ताका दरले सेयर पाएका छन्। आवेदन दिनेमध्ये १७ लाख ३९ हजार ४ सय ६० जनाको हात खाली हुने भएको छ।

कम्पनीले सोलुखुम्बु जिल्लाको सोलुदुधकुण्ड नगरपालिका र थुलुङदुधकोशी गाउँपालिकामा ८६ मेगावाट क्षमताको सोलु खोला दुधकोशी जलविद्युत् आयोजना निर्माण गरिरहेको छ। यस आयोजनाको कुल लागत निर्माण अवधिको ब्याजसहित ११ अर्ब ८६ करोड १ लाख १३ हजार रहेको छ।