मुक्तिनाथ बिकास बैंक बन्यो सबैभन्दा बढि नाफा कमाउने बिकास बैंक

मुक्तिनाथ विकास बैंकले आर्थिक बर्ष २०७८/०७९ को आर्थिक विबरण सार्बजानिक गरेको छ । जसमा हाल सम्म वित्तिय बिवरण प्रस्तुत गर्ने विकास बैंकहरुमा यस बंैकको नाफा सबै भन्दा उच्च रहेको छ ।

मुक्तिनाथ विकास बैंकले गत आ. बको चौथो त्रैमाससम्म आइपुग्दा १ अर्ब १५ करोड ९ लाख रुपैयाँ खुद नाफा आर्जन गर्न सफल भएको छ । उक्त नाफा रकम गत वर्षको सोही अवधिको तुलनामा ६२.73 खुद नाफा आर्जन गरेको थियो । तेस्रो त्रैमाससम्मको वित्तिय विवरण अनुसार पनि यो बैंक नेपालको इतिहासमै एक अर्ब भन्दा बढि मुनाफा कमाउने पहिलो विकास बैंक बनेको थियो ।

समिक्षा अवधिमा बैंकको वितरणयोग्य नाफा पनि बढेर ८६ करोड ५ लाख ३२ हजार रुपैयाँ पुगेको छ । अघिल्लो आर्थिक बर्षमा बैंकको यस्तो मूनाफा ४७ करोड ३३ लाख ६३ हजार रुपैयाँमा सिमित थियो ।

समिक्षा अवधीमा बैंकले ८६ अर्ब ९० करोड ३० लाख बढी निक्षेप संकलन गरी ७३ अर्ब ८९ करोड ९५ लाख रुपैयाँ बढी कर्जा परिचालन गरेको छ । गत आ.बको अन्तिमसम्ममा ०.४६ प्रतिशत रहेको खराब कर्जा समिक्षा अवधीमा घटेर ०.२५ प्रतिशतमा पुगेको छ ।
चौथो त्रैमाससम्म आइपुग्दा बैंकले २ अर्ब ७० करोड ४५ लाख रुपैयाँ खुद व्याज आम्दानी गरेको छ । गत आ.बको यसै अवधिमा बैंकले २ अर्ब २५ करोड ९३ लाख रुपैयाँ खुद व्याज आम्दानी गरेको थियो जुन १९.७० प्रतिशतले बढि हो ।

समिक्षा अवधिसम्ममा बैंकको सञ्चालन नाफा ६१.५८ प्रतिशतले बढेर १ अर्ब ६३ करोड ७६ रुपैयाँ पुगेको छ । गत आर्थिक वर्षको यसै अवधिमा बैंकको सञ्चालन नाफा १ अर्ब ८८ लाख रूपैयाँमा सिमित थियो ।

बैंकको चुक्ता पूँजी ४ अर्ब ८१ करोड १५ लाख रुपैयाँ पुगेको छ । बैंकको जगेडा कोषमा १ अर्ब ९९ करोड ६४ लाख रुपैयाँ सञ्चित छ । अघिल्लो आर्थिक बर्षको यसै अवधिमा बैंकको जगेडाकोषको आकार १ अर्ब ४९ करोड ३४ लाख रुपैयाँमा सीमित थियो ।

समिक्षा अवधिमा बैंकको प्रतिसेयर आम्दानी २३ रुपैयाँ ९२ पैसा रहेको छ अघिल्लो आर्थिक बर्षको तुलनामा प्रतिसेयर आम्दानी ७ रुपैयाँ ५६ पैसाले बढेको छ । बैंकको प्रतिसेयर नेटवर्थ १४१ रुपैयाँ ४९ पैसा पुगेको छ बैंकको पीई रेसियो २७.४७ गुणा रहेको छ ।

बैंकको चुक्ता पुँजी र वितरण योग्य मुनाफालाई हेर्दा गत आर्थिक बर्षको मुनाफाबाट करिब १७ प्रतिशत भन्दा बढि लाभांश वितरण गर्ने क्षमता बैंकसंग देखिन्छ । बैंकले आफ्नो रिजर्भबाट समेत थप लगानीकर्ताहरुलाई लाभांस वितरण गर्नसक्छ ।