मञ्जुश्री फाईनान्सको थप तीन ठाउँमा शाखा विस्तार

२९ भदौँ, काठमाडौं । मञ्जुश्री फाईनान्स लिमिटेडको तीन शाखा कार्यालयको कारोबार शुभारम्भ गरएको छ ।कम्पनीले नवलपुर जिल्लाको गैंडाकोट, चितवनको हाकिमचौक भरतपुर र पर्सावजार शाखाको कारोबार शुभारम्भ गरेको हो ।

मञ्जुश्री फाईनान्सको सञ्चालक समिति अध्यक्ष इन्दिरा पण्डित र सञ्चालक समिति सदस्यहरुले शाखा कार्यालयको उद्घाटन गरेका हुन् । काठमाडौंको नयाँ बानेश्वरमा मुख्य कार्यालय रहेको यस फाईनान्सको थप ३ सहित शाखा संख्या १८ पुगेको छ ।

२०७८ साल अषाढ मसान्त सम्म रु.९६ करोड ५३ लाख चुक्ता पुँजी एवं रु ५० करोड डिवेन्चर जारी गरेको राष्ट्रिय स्तरको यस फाईनान्सले रु ८.९१ अर्व निक्षेप संकलन गरि रु ७.९५ अर्व कर्जा परिचालन गरेको छ ।