सगरमाथा आधार शिविरमा ‘फेसन शो’

काठमाडौं– सगरमाथा आधार शिविरमा ‘फेसन शो’ हुने भएको छ। हिमालको संरक्षण तथा जैविक संरक्षणमा विश्वको ध्यानाकर्षण गर्ने उद्देश्यले बिहीबार आधार शिविरमा फेसन शो गरिने आयोजकले जनाएका छन्।

आधार शिविरमा विश्वका विभिन्न १३ देशका अन्तरार्ष्ट्रिय मोडलहरुले सहभागिता जनाउने आयोजकले बताएका छन्। इटाली, डेनमार्क, पोल्याण्ड, रसिया, नेदरल्याण्डस, फिनल्याण्डसहित नेपालका मोडलहरु कार्यक्रममा सहभागी हुनेछन्। क्याप्टेन विजय लामाले पनि आफ्नो प्रस्तुति दिने बताइएको छ।