नेपालको आर्थिक वृद्धिदर ३.९ प्रतिशत रहने विश्व बैंकको प्रक्षेपण

काठमाडौं– चालू आर्थिक वर्षमा नेपाल सरकारले राखेको आर्थिक वृद्धिको लक्ष्य पूरा नहुने विश्व बैंकको प्रक्षेपण छ। विश्व बैंकले नेपार सरकारको लक्ष्यभन्दा कम आर्थिक वृद्धि हुने प्रक्षेपण गरेको हो।

यो वर्ष गत आर्थिक वर्षको भन्दा १ दशमलव ८ प्रतिशतले आर्थिक विस्तार  प्रतिवेदनमा उल्लेख छ। विश्व बैंकले गत वर्ष १ दशमलव ८ प्रतिशत मात्र आर्थिक वृद्धि भएको अनुमान सार्वजनिक गरेको छ।

आगामी आर्थिक वर्षमा अर्थतन्त्र ४ दशमलव ७ प्रतिशतले विस्तार हुने अनुमान पनि विश्व बैंकको छ। आर्थिक वर्ष २०७६/७७ मा कोरोना महामारीले गर्दा आर्थिक वृद्धि २ दशमलव १ प्रतिशतले ऋणात्मक भएको थियो।

सरकारले भने चालू आर्थिक वर्षको बजेटमा ७ प्रतिशत आर्थिक विस्तारको लक्ष्य लिएको छ।