सेयर उच्च अंकले घट्यो नेप्से, करिब ३ अर्बको कारोबार

काठमाडौं- दशैं बिदापछिको पहिलो दिन दोहोरो अंकले बढेको सेयरबजारमा आज उच्च अंकको गिरावट आएको छ। सोमबार पुँजीबजार मापक परिसूचक (नेप्से) ६९.५१ अंकले घटेर २५८७.४५ विन्दुमा ‌ओर्लिएको छ। आइतबार नेप्से १७.५९ अंकले बढेको थियो।

कूल २१८ वटा कम्पनीका ८७ लाख ७६ हजार ३३७ कित्ता सेयर ४० हजार ४०१ पटक खरिद-बिक्री भएका छन्।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि १२.४३ अंकले घटेर ४८४.९३ विन्दुमा ओर्लिएको छ।

कारोबार भएकामध्ये १८२ वटा कम्पनीको सेयरमूल्य नकारात्मक बनेको ५छ। आज महालक्ष्मी विकास बैंकका लगानीकर्ताले सबैभन्दा धेरै प्रतिकित्ता १.९९ प्रतिशतका दरले कमाएका छन्। घलेम्दी हाइड्रो लिमिटेडको मूल्य १० प्रतिशतले घट्दा नकारात्मक सर्किट लागेको थियो।

आज व्यापारबाहेक सबै उपसमूहको परिसूचक नकारात्मक बनेको नेप्सेले जनाएको छ।