कोरोना अपडेट : २४ घण्टामा १७५६ संक्रमित थपिँदा २२७४ निको

काठमाडौं – नेपालमा पछिल्लो २४ घण्टामा १ हजार ७५६ जनामा कोरोना संक्रमण देखिएको छ । १४ हजार ३३४ जनाको परीक्षण गर्दा १ हजार ७५६ जनामा संक्रमण देखिएको हो ।

यस्तै, २ हजार २७४ जना संक्रमण मुक्त भएसँगै हाल देशभर सक्रिय कोरोना संक्रमितको संख्या ३३ हजार ६ जना पुगेको छ । संक्रमणका कारण थप २३ जनाको मृत्यु भएको छ । हालसम्म १० हजार ८०९ जना कोभिड १९ संक्रमितको मृत्यु भइसकेको छ ।

स्वास्थ्य मन्त्रालयका अनुसार पछिल्लो २४ घण्टामा १ लाख ६४ हजार ३०२ जनाले कोरोना भाइरसविरुद्ध खोप लगाएका छन् । हालसम्म देशभर ५४ लाख ७२ हजार ७९३ जनाले खोपको पहिलो मात्र लगाएका छन् । यस्तै, ४७ लाख ९५ हजार ३७३ जनाले खोपको पूर्ण मात्रा लगाइसकेका छन् ।