नबिल बैंकले ल्यायाे उच्च व्याजदर दिने ‘नबिल एक्सट्रा फिक्सड डिपोजिट

नबिल बैंकले नबिल एक्सट्रा फिक्सड डिपोजिट संचालनमा ल्याएको छ । यो खाता मासिक रुपमा नियमित निश्चित आय आर्जन गर्न चाहने ग्राहकलाई लक्षित गरी संचालनमा ल्याईएको बैंकले जनाएको छ ।

यस खातामा व्यक्तिगत र संस्थागत दुवै निक्षेपकर्तालाई लक्षित गरी मासिक आधारमा ब्याज दिने सुविधा रहेको बैंकले जनाएको छ ।

बैंकको अनुसार यस योजनामा हरेक नेपाली महिनाको अन्तिममा र खाता अवधिको परिपक्वतामा ब्याज भुक्तानी हुनेछ । यस खातामा ग्राहकहरुलाई कुनै पनि न्यूनतम रकमको सिमा नतोकिएको र यस योजना अन्तर्गत तिन महिना वा बढी अवधिका लागि ग्राहकहरुले खाता खोलि यसको लाभ लिई ढुक्क हुन सक्ने बैंकले जनाएको छ ।

सन् १९८४ मा स्थापित यस बैंकले हाल १३५ शाखा, १८८ एटिएम र १,५०० भन्दा बढि नबिल रेमिट एजेन्टहरु मार्फत आफ्ना ग्राहकहरुलाई समायनुकुल सेवा प्रदान गर्दै आएको छ ।