मंगलबार थप ३२७४ जनामा कोरोना संक्रमण पुष्टि, २७ जनाको मृत्यु

१ भदौ, काठमाडौं । आज देशैभरी ३२७४ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ११ हजार ५६५ पिसीआर र ६,१२४ एन्टिजेन गरी दुवै विधिबाट गरिएको १७ हजार ६८९ नमुना परीक्षणमा ३२७४ जनामा कोरोना भाइरस संक्रमण पुष्टि भएको हो । मन्त्रालयको विवरण अनुसार सोमवारको तुलनामा मंगलवार संक्रमित हुनेको संख्या केही घटेको हो ।

त्यसैगरी, बितेको २४ घण्टामा २७ जना संक्रमितको मृत्यू भएको छ । हालसम्म कुल १० हजार ३ सय ५४ जनाको कोरोनाबाट मृत्यु भएको छ ।

पछिल्लो २४ घण्टामा एक हजार ९ सय २९ जना संक्रमणमुक्त भएका छन् । हालसम्म निको हुने दर ९३.२ प्रतिशत रहेको छ ।