वाणिज्य बैंकहरुले ल्याएको नयाँ ब्याजदर ; कुनको कति ?

भदौ ४, काठमाडौं । वाणिज्य बैंकहरुले भदौ १ गतेदेखि लागू हुने गरी कर्जा र निक्षेपको नयाँ ब्याजदर सार्वजनिक गरेका छन्।

नबिल बैंक
नयाँ ब्याजदर अनुसार नबिल बैंकले बचत खातामा न्यूनतम ३.१ प्रतिशतदेखि अधिकतम ३.५१ प्रतिशतसम्म ब्याजदर निर्धारण गरेको छ । व्यक्तिगत मुद्दतिमा अधिकतम ७.५१ प्रतिशत ब्याज पाइन्छ भने ३ महिनाको मुद्दतिको ब्याजदर ५.५१ प्रतिशत निर्धारण गरेको छ । यस्तै, घर कर्जाका लागि न्यूनतम ८.४९ प्रतिशतदेखि ११ प्रतिशतसम्मको ब्याजदरमा कर्जा दिने उल्लेख छ ।

प्रभु बैंक
प्रभु बैंकले बचत खातामा न्यूनतम ३.२५ प्रतिशतदेखि देखि अधिकतम ४ प्रतिशतदेखि सम्म ब्याजदर तोकेर नयाँ व्याजदर लागु गरेको छ । मुद्दति निक्षेपमा ७.७५ प्रतिशतदेखि ८.२५ प्रतिशतसम्म ब्याजदर कायम गरिएको छ ।

नेपाल क्रेडिट एण्ड कमर्स बैंक
एनसीसी बैंकले सार्वजनिक गरेको व्याजदर अनुसार विभिन्न बचत खातामा २.५० प्रतिशतदेखि अधिकतम ५ प्रतिशतसम्म व्याज दिइने छ यस्तै, मुद्दती निक्षेपमा ६.५० प्रतिशतदेखि ८.२६ प्रतिशतसम्म व्याज दिइने उल्लेख गरिएको छ ।

एनआइसी एशिया बैंक
एनआइसी एशिया बैंकले बचतको ब्याजदर २.५६५ कायम गरेको छ । नयाँ ब्याजदर अनुसार मुद्दति निक्षेपमा ७.५६५ सम्म ब्याज पाइने जनाइएको छ ।

प्राइम कमर्सियल बैंक
प्राइम कमर्सयल बैंकले सार्वजनिक गरेको नयाँ ब्याजदर अनुसार २.७६ प्रतिशतदेखि ४.५ प्रतिशत व्याजदरसम्म कायम गरिने भएको छ । भने व्यक्तिगत मुद्दतिको अधिकतम ब्याज ७.७६ प्रतिशत कायम छ भने न्यूनतम ७.५० प्रतिशत कायम गरिएको छ । स्थिर कर्जाका लागि न्यूनतम १० प्रतिशतदेखि बढीमा ११ प्रतिशतसम्म ब्याजदर निर्धारण गरेको जनाएको छ ।

लक्ष्मी बैंक
लक्ष्मी बैंकको सार्वजनिक व्याजदर अनुसार बचत खातामा न्यूनतम २.५ प्रतिशतदेखि अधिकतम ४.५ प्रतिशतसम्म ब्याजदर कायम गरिएको छ । यस्तै, मुद्दति व्यक्तिगततर्फ ७ प्रतिशतदेखि ७.५ प्रतिशतसम्मको ब्याजदर कायम गरेको छ ।

कुमारी बैंक
कुमारी बैंकले बचत खातामा न्यूनतम २.५० प्रतिशतदेखि अधिकतम ३.५ प्रतिशतसम्म ब्याजदर कायम गरेको छ । बैंकले व्यक्तिगत मुद्दति निक्षेपमा ६ प्रतिशतदेखि ७ प्रतिशतसम्म ब्याजदर तोकेको हो । यस्तै, बैंकले स्थिर कर्जामा न्यूनतम ९.९९ प्रतिशतदेखि अधिकतम ११.४९ प्रतिशतसम्ममा कर्जा दिने उल्लेख छ ।

सिटिजन्स बैंक
सिटिजन्स बैंकले बचतमा न्यूनतम ब्याज ३ प्रतिशतदेखि र अधिकतम ५ प्रतिशतसम्म कायम राखेको छ । यस्तै, व्यक्तिगत मुद्दतिको अधिकतम ब्याज ७.५० प्रतिशत कायम छ । स्थिर कर्जाको हकमा १०.५० प्रतिशतदेखि देखि १३ प्रतिशतसम्म निर्धारण गरेको छ ।

बैंक आफ काठमान्डू
बैंक आफ काठमान्डूका अनुसार बचतको न्यूनतम ब्याज २.५० प्रतिशत र अधिकतम ४ प्रतिशत कायम गरेको छ । व्यक्तिगत मुद्दति निक्षेपमा ब्याज ७ प्रतिशत कायम गरिएको छ ।

सिद्धार्थ बैंक
सिद्धार्थ बैंकले सार्वजनिक गरेको नयाँ ब्याजदर अनुसार बचतमा न्यूनतम २.५ प्रतिशत देखि अधिकतम ४ प्रतिशतसम्म ब्याजदर कायम रहने उल्लेख छ। बैंकले न्यूनतम ८.४९ प्रतिशतदेखि अधिकतम ११.४९ प्रतिशतसम्म स्थिर ब्याजदर निर्धारण गरेको उल्लेख छ । बैंकले मुद्दति निक्षेपमा भने ७ प्रतिशतसम्म ब्याजदर दिनेछ

कृषि विकास बैंक
कृषि विकास बैंकले सार्वजनिक गरेको व्याजदर अनुसार बचतको न्यूनतम ब्याज ३.५० प्रतिशतदेखि अधिकतम ५ प्रतिशतसम्म कायम गरेको छ । व्यक्तिगत मुद्दति निक्षेपको अधिकतम ब्याज ७.५० प्रतिशत कायम छ ।

राष्ट्रिय वाणिज्य बैंक
राष्ट्रिय वाणिज्य बैंकले सार्वजनिक गरेको व्याजदर अनुसार बचतमा न्यूनतम ३ प्रतिशतदेखि ५ प्रतिशतसम्म ब्याजदर कायम राखेको छ । यस्तै, मुद्दति निक्षेपमा व्यक्तिगततर्फ ६ प्रतिशतदेखि ७.२५ प्रतिशतसम्मको व्याजदर कायम गरेको छ । यता, स्थिर कर्जामा ९ प्रतिशतदेखि ११ प्रतिशतसम्म ब्याजदर निर्धारण गरेको छ ।

नेपाल बैंक
नेपाल बैंकले सार्वजनिक गरेको व्याजदर अनुसार बचतको न्यूनतम ब्याज ३.०५ प्रतिशतदेखि अधिकतम ४.५५ प्रतिशतसम्म कायम छ । व्यक्तिगत मुद्दति निक्षेपमा ८.५ प्रतिशतसम्म कायम रहेको छ भने स्थिर ब्याजको न्यूनतम ब्याजदर ९.४९ प्रतिशतदेखि १२.४९ प्रतिशतसम्म कायम छ ।

माछापुच्छ्रे बैंक
माछापुच्छ्रे बैंकले सार्वजनिक गरेको व्याजदर अनुसार बचतको न्यूनतम ब्याज २.०५ प्रतिशतदेखि अधिकतम ४ प्रतिशतसम्म निर्धारण गरिएको छ । व्यक्तिगत मुद्दति निक्षेपको ब्याज ७.०५ प्रतिशत रहेको छ । बैंकले स्थिर ब्याजदरको लागि भने न्यूनतम ९.८९ प्रतिशतदेखि अधिकतम १२.२४ प्रतिशतसम्म ब्याजदर निर्धारण गरेको उल्लेख छ ।

नेपाल एसबीआई बैंक
नेपाल एसबीआई बैंकले सार्वजनिक गरेको व्याजदर अनुसार बचतको ब्याज २.५५ रहेको छ । बैंकले व्यक्तिगत मुद्दति निक्षेपमा ७.५५ प्रतिशतसम्म निर्धारण गरेको छ ।

सिभिल बैंक
सिभिल बैंकले सार्वजनिक गरेको नयाँ ब्याजदरमा बचतमा न्यूनतम ४.०५ प्रतिशतदेखि अधिकतम ५.०५ प्रतिशतसम्म ब्याजदर दिने उल्लेख छ । बैंकले मुद्दति निक्षेपमा व्यक्तिगततर्फ न्यूनतम अधिकतम ८.७५ प्रतिशतसम्म ब्याज दिने छ ।

सनराइज बैंक
सनराइज बैंकले सार्वजनिक गरेको नयाँ ब्याजदरमा बचतमा न्यूनतम २.५७ प्रतिशतदेखि अधिकतम ४ प्रतिशतसम्म ब्याज दिने जनाएको छ । यता, मुद्दति निक्षेपमा व्यक्तिगततर्फ ७ प्रतिशत ब्याज कायम गरेको छ । बैंकले स्थिर ब्याजदरको लागि न्यूनतम १०.५० प्रतिशतदेखि अधिकतम १३.५० प्रतिशतसम्म ब्याजदर निर्धारण गरेको छ ।

नेपाल बंगलादेश बैंक
नेपाल बंगलादेश बैंकले सार्वजनिक गरेको नयाँ ब्याजदरमा बचतको न्यूनतम ब्याजदर २.५० प्रतिशत कायम छ । व्यक्तिगत मुद्दति निक्षेपमा न्यूनतम ७.२५ प्रतिशत छ भने अधिकतम ब्याज ७.५० प्रतिशत कायम रहेको छ । स्थिर कर्जाका लागि बैंकले न्यूनतम ९.९९ प्रतिशतदेखि अधिकतम १२.९९ प्रतिशतसम्म ब्याजदर कायम गरेको छ ।