महालक्ष्मी बैंक र सिप्रदी ट्रेडिङबीच सम्झौता, टाटाका गाडी खरिद गर्नेलाई कर्जा दिने

४ भदौ, कनठमाडौं । महालक्ष्मी विकास बैंक लिमिटेड र सप्रदि ट्रेडिङ प्रालिबिच सम्झौता भएको छ ।

शुक्रवार बैंकले कमर्सियल भेहिकल्स खरिद गर्न चाहने ग्राहकहरुलाई सरल तथा सुलभ तरिकाबाट कर्जा सेवा उपलब्ध गराउने उद्देश्यले सिप्रदि ट्रेडिङ प्रालिसँग सम्झौता गरेको हो ।

उक्त सम्झौता अनुसार सिप्रदि ट्रेडिङबाट ग्राहकहरुले टाटा ब्राण्डका गाडीहरु खरिद गर्दा महालक्ष्मी विकास बैंक मार्फत सरल तरिकाले कर्जा सुविधा प्राप्त गर्न सक्नेछन् ।

बैंकले ग्राहकहरुलाई अधिकतम ५ वर्षको लागि कर्जा उपलब्ध गराउनुका साथै अधिकतम ७०% सम्म कर्जा प्रवाह गरिने जनाएको छ ।