पर्वतमा पहिरोमा परी पाँचको मृत्यु, तीन जना बेपत्ता
BusinessSarokar
|
१९ मंसिर २०८२, बिहीबार
पर्वत– पर्वतका विभिन्न ठाउँमा पहिराले पुरिँदा पाँच जनाको मृत्यु भएको छ भने तीन जना बेपत्ता भएका छन्। गए रातिको भीषण वर्षापछि पहिरो जाँदा कुश्मा नगरपालिका–३ दुर्लुङमा पाँच जना पुरिएकोमा दुई मृतावस्थामा फेला परेका छन्।
पहिरामा पुरिएका एकै घरका पाँच जनामध्ये १५ वर्षीया विमला पौडेल र ११ वर्षीया विनिता पौडेलको शव निकालिएको छ। बेपत्ता रहेकाको खोजी भइरहेको जिल्ला प्रहरी कार्यालयका प्रहरी नायब उपरीक्षक शिवराज बुढाथोकीले जानकारी दिए।
यस्तै कुश्मा नगरपालिका–११ पकुवामा पहिरामा पुरिएका ३५ वर्षीया दुर्गा पौडेल र उनका छ वर्षीय छोरा गणेशको शव फेला परेको प्रहरी नायब उपरीक्षक बुढाथोकीले जानकारी दिए। यस्तै, मोदी गाउँपालिका–५ अम्बोटमा पहिरामा पुरिएर ५० वर्षीया ठुलीमाया थापाको मृत्यु भएको छ।
जिल्लाका अन्य स्थानमा पनि भीषण वर्षाका कारण क्षति भएको अनुमान गरिए पनि अहिलेसम्म पूर्ण विवरण नआएको प्रहरीले जनाएको छ।
सम्बन्धित खबर
२०२२ मा आर्थिक वृद्धिदर ५.८ प्रतिशत हुने विश्व बैंकको प्रक्षेपण
१९ मंसिर २०८२, बिहीबार
स्थानीय तहको बजेट आउन ढिलाइ, जम्मा ५९३ वटाको मात्र बजेट प्रस्तुत
१९ मंसिर २०८२, बिहीबार
दोहोरो अंकले घट्यो नेप्से, कारोबार साढे २ अर्बमा सीमित
१९ मंसिर २०८२, बिहीबार