नेपाल बैङ्कको ६२ औँ वार्षिक साधारण सभा पुष २ गते

नेपाल बैङ्कले पुस २ गतेका लागि साधारण सभा बोलाएको छ। बैङ्क सञ्चालक समितिको बैठकले पुस २ गते ६२ औँ वार्षिक साधारण सभा गर्ने निर्णय गरेको हो।

साधारण सभाले बैङ्कको हाल कायम चुक्ता पुँजी १२ अर्ब ६३ करोड ३७ लाख ५८ हजार रुपैयाँको १४ प्रतिशत बोनस शेयर र सो को कर प्रयोजनको लागि ३ प्रतिशत नगद लाभांश गरि कुल १७ प्रतिशत लाभांश वितरण गर्ने प्रस्तावलाई पारित गर्ने बताइएकाे छ।

साधारण सभा तथा लाभांश प्रयोजनको लागि बैङ्कले मङ्सिर २१ गते शेयर धनी दर्ता किताब (बुक क्लोज) गर्नेछ। २० गते सोमबारसम्म कायम शेयरधनीहरुले प्रस्तावित लाभांश पाउने छन्।