क्रिप्टो र हाइपर फन्डमार्फत पुँजी पलायन भैरहेको छ : अर्थमन्त्री
Heading1
BusinessSarokar
|
२ फागुन २०८२, शुक्रबार
-
अर्थमन्त्री जनार्दन शर्माले भर्चुअल मुद्राको अवैध कारोबार, हाइपर फन्डलागायत अवैध नेटवर्किङ धन्दा, अनलाईन जुवा र सट्टेबाजी (ग्याम्बलिङ) मार्फत पुँजी विदेश पलायन भइरहेको बताएका छन्। बिहीबार चालु आर्थिक वर्ष २०७८/७९ को बजेटको अर्धवार्षिक समीक्षा प्रतिवेदन सार्वजनिक गर्दै अर्थमन्त्री शर्माले यस्तो बताएका हुन् ।
प्रविधिको प्रयोगमार्फत भैरहेको अवैध कारोबार अर्थतन्त्रको नयाँ चुनौतीका रुपमा देखिएको उनले बताए । यस्तो समस्याबारे अध्ययन गर्नका लागि नेपाल राष्ट्र बैंकलगायत सम्बन्धित निकाय र सरोकारवाला रहेको कार्यदल गठनको तयारी सरकारले गरिरहेको शर्माले बताए । क्रिप्टो, हाइपर फन्डको प्रभावकारी नियमन र अनुगमन गरी वैदेशिक मुद्रा विचलन हुनबाट राेक्ने उनको भनाइ छ ।
विकास खर्च बढ्न नसक्नुमा संरचनाको सुदृढीकरण प्रमुख समस्या रहेको र विभिन्न ऐन नियमहरु बाधकका रुपमा रहेको अर्थमन्त्री शर्माले बताए । आयोजनाको प्राथमिकीकरण हुन नसकेको र श्रोत सुनिश्चितता बिनै योजना बनाउँदा समस्या देखिएको उनले बताए । अब अर्थमन्त्रालयबाट समन्वय र सहकार्यमा कुनै कसुर बाँकी नराख्ने मन्त्री शर्माको भनाइ छ ।
सम्बन्धित खबर
नेपाल टेलिकमद्वारा मुस्ताङमा ‘टू जी’ बाट ‘थ्री जी’ सेवा विस्तार
डिप्रोक्स लघुवित्तको लाभांश पारितसँगै साधारण सभा सम्पन्न, तीन सञ्चालक निर्वाचित
हवाईजहाजमा भर्दा तेल चोरी, डिजेलमा मिसाएर बेच्छन् डिपोका कर्मचारी
