युनियन लाइफ इन्स्योरेन्सले साधारण सभा प्रयोजनको लागि वैशाख १३ गते बुक क्लोज गर्ने

युनियन लाइफ इन्स्योरेन्सले चौथो वार्षिक साधारण सभा प्रयोजनको लागि आगामी वैशाख १३ गते बुक क्लोज गर्ने भएको छ ।

कम्पनीले वैशाख २३ गते हुने साधारण सभाको लागि बुक क्लोज मिति तय गरेको हो । यस आधारमा वैशाख १२ गतेसम्म कायम शेयरधनीले साधारण सभामा भाग लिन सक्नेछन् ।सभा टाइगर प्यालेस रिर्सोट भैरहवा, रुपन्देहीमा बिहान १० : ३० बजे शुरु हुनेछ ।

सभाले आव २०७६/ ७७ को वार्षिक प्रतिवेदन छलफल गरि पारित गर्ने र आव २०७७/ ७८ को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।

त्यसैगरी सभाले सञ्चालक समितिमा संस्थापक शेयरधनी समूहबाट प्रतिनिधित्व गर्ने चार जना र सर्वसाधारण समूहबाट प्रतिनिधित्व गर्ने दुई जना सञ्चालकहरुको निर्वाचन गर्ने प्रस्ताव पनि पारित गर्नेछ ।

साथै सभाले कम्पनी तथा अन्य जीबन बीमा कम्पनी बीच एक आपसमा मर्जर तथा प्राप्ति गर्ने सम्बन्धी आवश्यक सम्पूर्ण कार्यहरु गर्न सञ्चालक समितिलाई अख्तियारी प्रदान गर्ने प्रस्ताव पनि पारित गर्नेछ ।