सबैभन्दा बढी कर तिर्ने ५ बैंकहरु

आर्थिक वर्ष २०७८/८९ मा नेपालमा रहेका वाणिज्य बैंकमध्ये सबैभन्दा बढी पाँच बैंकले कर तिरेका छन् । आन्तरिक राजस्व विभागका अनुसार गत आर्थिक वर्ष एनआईसी एशिया बैंक सबैभन्दा बढी कर तिरेको छ ।

उक्त बैंक बढी कर तिर्ने कम्पनीहरुमध्ये छैटौंं नम्बरमा छ । गत आर्थिक वर्षमा एनआईसी एशियाले ३ अर्ब ४१ करोड कर तिरेको हो । आर्थिक वर्ष २०७७/०७८ मा एनआईसी एशियाले ३ अर्ब ६१ करोड कर तिरेको थियो ।

अघिल्लो आर्थिक वर्ष २०७७/०७८ मा नबिल बैंकले ३ अर्ब ९७ करोड कर तिर्दै बैंकिङ क्षेत्रभध्ये धेरै कर तिर्नेको पहिलो नम्बरमा परेको थियो । नबिल बैंकले गत आर्थिक बर्षमा ३ अर्ब ३२ करोड कर दाखिला गरेर धेरै कर तिर्नेको सातौं नम्बरमा छ ।

ग्लोबल आइएमई बैंक आठौं सबैभन्दा बढी कर तिर्ने कम्पनी भएको छ । ग्लोबल आइएमई बैंकले गत वर्ष ३ अर्ब २१ करोड राजस्व तिरेको छ । सिद्धार्थ बैंक र राष्ट्रिय वाणिज्य बैंकले नवौं तथा दशौं स्थानमा रहेका छन् ।

ठूला करदाता कार्यालय अन्तर्गत वार्षिक १ अर्बभन्दा बढी करयोग्य कारोबार गर्ने करदाता पर्छन् । आन्तरिक राजस्व विभाग अन्तर्गतको ठूला करदाता ८९ बैंक तथा वित्तीय संस्था तथा बिमा कम्पनी पर्छन् ।