कास्कीमा खोल्यो बङ्गलादेश बैंकले नयाँ विस्तारित सेवा केन्द्र

१ भाद्र २०७८, मंगलवार १४:४०

१ भदौ, काठमाडौ । नेपाल बङ्गलादेश बैंकले कास्की जिल्लामा विस्तारित सेवा केन्द्रको शुभारम्भ गरेको छ ।

बैंकले कास्की जिल्ला, पोखरा महानगरपालिकाको वडा नं. ३० खुदी ढुङ्गेपाटनमा आफ्नो ९्औँ विस्तारित सेवा केन्द्रको शुभारम्भ गरेको छ । उक्त सेवा केन्द्रको औपचारिक उद्घाटन पोखरा महानगरपालिका वडा नं.३० का वडा अध्यक्ष श्रीराम पोखरेलले गरेका हुन्।

पोखरा महानगरपालिकामा खोलिएको यस बिस्तारित सेवा केन्द्रले महानगरपालिकाको वार्ड नम्बर २९,३०,३१,३२ तथा ३३ मा वित्तिय पहुँच पुर्याई हरेक नेपालीको एक बैंक खाता खोल्ने नेपाल सरकारको नीतिलाई सघाउ पुर्याउने उद्देश्यका साथ बैंकले आफ्नो सेवा केन्द्र सञ्चालनमा ल्याएको हो ।

उक्त बिस्तारित सेवा केन्द पोखरा बिश्वविद्यालय हाता नजिकै खोलिएकाले विश्वविद्यालयमा अध्ययनरत बिद्यार्थी तथा शिक्षकवर्ग पनि लाभान्वित हुने बिश्वास बैंकले लिएको बैंकद्वारा जारी बिज्ञप्तिमा उल्लेख छ।

बैंकका अनुसार नयाँ बिस्तारित सेवा केन्द्रबाट यस भेगमा छरिएर रहेको पुँजिलाई एकीकृत गर्न सघाउ पुग्नुका साथै विदेशवाट प्राप्त हुने रेमिटान्स सोझै बैंक खातामा जम्मा हुने, चेक क्लियरिङ्ग तथा व्यवसायजन्य कारोबारका लागि लागि अन्यत्र टाढा जान नपर्ने, सामाजिक सुरक्षा लगायत नेपाल सरकारबाट बैंकिंग प्रणाली मार्फत प्राप्त हुने सम्पुर्ण सेवाहरू सजिलै प्राप्त गर्ने, शिक्षक एवं कर्मचारीहरुको तलबी खाता सञ्चालन गर्न सहज हुने लगायतका सुविधाहरू सहजै प्राप्त हुने छ ।

Leave a Reply

Your email address will not be published. Required fields are marked *

This will close in 20 seconds