युनाइटेड इदी नोक्सानीबाट नाफा तर्फ उन्मुख, इपिएस कति ?

भदौ ६, काठमाडौं । युनाइटेड इदी मर्दी हाइड्रोपावरले गत आर्थिक वर्षको चौथो त्रैमासमा ऋणात्मकबाट धनात्मक तर्फ उन्मुख हुदै गरेको वित्तिय विवरण सार्वजनिक गरेको छ।

अघिल्लो आर्थिक वर्षको समिक्षा अवधिमा ४ करोड १४ लाख रुपैयाँ ऋणात्मक रहेको हाइड्रोपावर कम्पनी गत आर्थिक वर्षको चौथो त्रैमाससम्ममा ४ करोड ६० लाख रुपैयाँले धनात्मक भएको छ। विद्युत् बिक्रीबाट र अन्य स्रोतबाट हुने आम्दानी बढेको कारणले कम्पनीको नाफा बढेको देखिन्छ।

समिक्षा अवधिमा विद्युत् बिक्रीबाट हुने आम्दानी २७.५२ प्रतिशतले बढेको अर्थात १३ करोड ४५ लाख ८ हजार रुपैयाँ पुगेको छ । साथै, अन्य स्रोतबाट हुने आम्दानी ३ करोड ६१ लाख १५ हजार रुपैयाँ रहेको छ ।

युनाइटेड हाइड्रोपावरको चुक्ता पुँजी ४२ करोड रुपैयाँ रहेको छ भने कम्पनीको जगेडा कोषमा ८ लाख ४८ हजार रुपैयाँ रहेको छ। असार मसान्तसम्ममा प्रतिशेयर आम्दानी १०.९७ पैसा कायम भएको छ । त्यसैगरी प्रतिशेयर नेटवर्थ १००.२० पैसा छ भने मूल्य आम्दानी अनुपात ४३.२९ गुणा छ।