नेप्सेमा सामान्य वृद्धि, ९ अर्ब २९ करोडको कारोबार

काठमाडौं- नेपालको पुँजीबजार आज झिनो अंकले बढेको छ। गत साता लगातार उच्च अंकले घटेको पुँजीबजार आइतबार उच्च अंकले सुधार भएको थियो। साताको दोस्रो दिन सोमबार (आज) पनि बजार सकारात्मक बनेको हो।

सोमबार पुँजीबजार मापक परिसूचक नेप्से ०.२७ अंकले बढेर २९४७.७० विन्दुमा कायम भएको छ।

सोमबार कूल २२६ वटा कम्पनीका एक करोड ५६ लाख ८१ हजार १८४ कित्ता सेयर ९३ हजार २१८ पटक खरिद-बिक्री भएका थिए।

कारोबार भएकामध्ये आज ७६ वटा कम्पनीको मात्र सेयर मूल्य बढेको छ भने १०२ कम्पनीको मूल्यमा गिरावट आएको छ।