तीजको चहलपहल सकिएसंगै कोरोना संक्रमितको संख्यामा बृद्धि, २४ घण्टामा १५६२ जनामा कोरोना संक्रमण

२९ भदौँ, काठमाडौं । तीजको चहलपहल सकिएसँगै दैनिक कोरोना संक्रमित दरमा बृद्धि हुन थालेको छ । नेपालमा पछिल्लो २४ घण्टामा १५६२ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसीआर र ऐन्टिजेन विधिबाट गरिएको १४ हजार ४४३ वटा नमुना परीक्षणमा देशैभरी १५६८ जनामा संक्रमण पुष्टि भएको हो । आज थपिएका १५६८ संक्रमितसँगै देशमा हालसम्म संक्रमित हुनेको संख्या ८ लाख ६६ हजार ६११ पुगेको छ ।

आज १५ सय ५९ जना कोरोना निको भएर डिस्चार्ज भएका छन् भने १९ जनाको निधन भएको मन्त्रालयले उल्लेख गरेको छ । मंगलबार भन्दा केही थोरै सोमबार १४ सय ८६ जनामा नयाँ संक्रमण देखिएको थियो । यस्तै आइतबार ९११ र शनिवार ९९४ जनामा कोरोना संक्रमण देखिएको थियो ।