आजदेखि टीभीएस ग्राण्ड दशैं एक्सचेञ्ज मेला भृकुटिमण्डपमा शुरु

१ असोज, काठमाडौं । टीभीएस टु ह्विलर्सको आधिकारिक बिक्रेता जगदम्बा मोटर्सले आजदेखि टीभीएस ग्राण्ड दशैं एक्सचेञ्ज अफर मेला राजधानीमा शुरु गरेको छ ।

भृकुटीमण्डपमा आयोजना हुने उक्त मेला आजको मितिबाट असोज ६ गतेसम्म ६ दिनका लागि आयोजना हुनेछ । यो एउटा यस्तो एक्स्चेन्ज मेला हो जहाँ उपहारको बर्षाको साथ् ग्राहकले कुनै पनि कम्पनिको मोटरसाइकल वा स्कुटर लिएर गएर त्यसको सट्टामा टिभिएसको नयाँ मोटरसाइकल वा स्कुटर एक्सचेञ्ज गर्न सक्नेछन् ।

यस एक्सचेन्ज मेला अन्तर्गत ग्राहकले कुनै पनि कम्पनीको पुरानो मोटरसाइकल वा स्कुटरमा बजार मूल्य भन्दा थप १० हजारसम्म मुल्याङ्कन पाउने छन् । त्यस्तै नयाँ सवारी खरिद नगरी १ लाख सम्म र किनिसके पछि १० लाखसम्मको आकर्षक उपहार प्राप्त गर्न सक्नेछन्

यसका लागि ग्राहकले टीभीएस नेपालको वेवसाइटमा जानुपर्ने हुन्छ । त्यसैगरी शुन्य गरी शुन्य प्रतिशत ब्याजदरको विशेष सुविधाका कारण मेलामा किस्ताबन्दीमा सवारी किन्न चाहनेका लागि समेत उत्साहजक रहेको कम्पनीको भनाइ छ ।

यस अफरमा प्रिबुकिङ् गरे मात्र पनि ग्राहकहरुको लागि २ हजार बराबरको आकर्षक उपहारको व्यवस्था गरिएको छ।