राष्ट्र बैंकले आज एक अर्ब ३३ करोडको ट्रेजरी बिल बिक्री गर्दै

काठमाडौं– नेपाल राष्ट्र बैंकले १ अर्ब ६६ करोड रुपैयाँबराबरको ट्रेजरी बिल बिक्री गर्ने भएको छ। बैंकले सरकारलाई आवश्यक अल्पकालीन ऋण उठाउन बोलकबोल प्रक्रियामार्फत ट्रेजरी बिल विक्री गर्न लागेको हो। आज (सोमबार) दिउँसो ३ बजे ट्रेजरी बिल विक्री हुने जनाइएको छ।

राष्ट्र बैंकले ९१ दिन अवधिको १० करोड रुपैयाँबराबरको र ३६४ दिन अवधिको रु एक अर्ब ५६ करोडको गरी १ अर्ब ६६ करोड रुपैयाँको टे«जरी बिल सोमबार जारी गर्न लागेको हो। बैंकले आइतबार जारी गरेको सूचनाअनुसार ९१ दिने ट्रेजरी आगामी माघ १८ गते परिपक्व हुनेछ भने ३६४ दिने ट्रेजरी २०७९ कात्तिक १५ मा परिपक्व हुनेछ। यसअघि यही कात्तिक ८ मा बैंकले ५ अर्ब ६० करोड रुपैयाँको ट्रेजरी बिल बिक्री गरेको थियो।