अब सोमबारदेखि शुक्रबारसम्म शेयर कारोबार हुने,

नेपाल स्टक एक्सचेञ्ज लिमिटेड (नेप्से) ले जेठ १ गतेदेखि लागु हुने गरी सोमबारदेखि शुक्रबारसम्म शेयर कारोबार सञ्चालन गर्ने निर्णय गरेको छ ।

मन्त्रिपरिषद्को बैठकले जेठ १ गतेदेखि शनिबार र आइतबार सार्वजनिक बिदा दिने निर्णय गरे पछि शेयर बजार पनि सोमबारदेखि शुक्रबारसम्म खुला गर्ने निर्णय भएको नेप्सेका वरिष्ठ अधिकृत मिलन मगरले बताए ।

हाल आइतबारदेखि विहीबारसम्म शेयर कारोबार सञ्चालन हुँदै आएको छ । सोमबारदेखि शुक्रबारसम्म कारोबार सञ्चालनको व्यवस्था मिलाउन गर्न ब्रोकर कम्पनीहरुलाई निर्देशन दिइएको छ ।

गत बुधबार बसेको सञ्चालक समितिको बैठकले गरेको निर्णय आज सार्वजनिक गरिएको हो । जेठ १ गतेदेखि कार्यालय समय बिहान ९ः३० देखि साँझ ५ः३० सम्म कायम गर्ने निर्णय समेत भएको छ ।