हिमालयन हाइड्रोपावरको आईपीओ नेप्सेमा सूचीकृत, आइतबारदेखि कारोबारमा आउने

हिमालयन हाइड्रोपावर लिमिटेडको आईपीओ नेप्सेमा सूचीकृत भएको छ । कम्पनीको १ करोड ९ लाख ५० हजार कित्ता साधारण शेयर सूचीकृत भएको हो । आइतबार धितोपत्रको दोस्रो बजारमा कारोबारमा आउनेछ ।

नेप्सेले कम्पनीको पहिलो कारोबारको लागि नेप्सेले रू.७६ दशमलव ३३ देखि २२८ दशमलव ९९ ओपन रेञ्ज तोकेको छ । पहिलो कारोबारको लागि नेप्सेले कम्पनीको नेटवर्थको तिन गुणा सम्म मूल्य रेञ्ज तोक्ने गर्दछ ।

कम्पनीले उद्योग प्रभावित क्षेत्रका स्थानीय बासिन्दाहरुका लागि निष्कासन गरेको ९ लाख कित्ता,सर्वसाधारणको लागि निष्कासन गरेको १३ लाख ५० हजार कित्ता र कम्पनीका संस्थापकहरुको लगानी गरेको ८७ लाख कित्ता गरेर कुल १ करोड ९ लाख ५० हजार कित्ता साधारण शेयर सूचीकृत गराएको हो । कम्पनीको स्टक सिम्बोल एचएचएल रहेको छ । साथै कम्पनीले शेयर सूचीकरण पश्चात दिनुपर्ने आरटिएस सेवा ग्लोबल आईएमई क्यापिटल लिमिटेडबाट दिने नेप्से मार्फत जानकारी गराएको हो ।