बुद्धको जहाजले आज बिहानै भर्यो तीन उडान

काठमाडौँ – सोमबार ल्यान्डिङ गियरमा समस्या देखिएपछि विराटनगर अवतरण नगरी काठमाडौं फर्केको बुद्धको एयर एटीआरले मंगलबार बिहानै तीन उडान भरिसकेको छ।

उक्त एटिआरले काठमााडौं–सिमराका लागि दुई र पोखराका लागि एक उडान भरेको बुद्ध एयरले बताएको छ।  कुनै समस्या नदेखिएपछि जहाजले नेपाल नागरिक उड्डयन प्राधिकरणबाट उडान भर्ने अनुमति पाएको हो।

उडानका क्रममा ल्यान्डिङ गियरको प्राइमरी इन्डिकेटरमा समस्या देखिए पनि प्राविधिकहरुले जाँच गर्दा कुनै त्रुटि नभेटिएको एयरको भनाइ छ।