काठमाडौं– शुक्रबार नेपाली बजारमा सुनको मूल्य सामान्य अंकले बढेको छ। बिहीबारको तुलनामा सुनको भाउ तोलामा १ सय रुपैयाँले बढेकोे नेपाल सुनचाँदी व्यवसायी महासंघले जनाएको छ।
महासंघका अनुसार शुक्रबार छापावाला सुन प्रतितोला ९० हजार ७ सय रुपैयाँमा कारोबार हुँदै छ। बिहीबार सुनको मूल्य प्रतितोला ९० हजार ६ सय रुपैयाँ थियो।
शुक्रबार तेजाबी सुन प्रतितोला ९० हजार २ सय रुपैयाँमा कारोबार भएको महासंघले जनाएको छ।
यस्तै, शुक्रबार चाँदीको मूल्य पनि बढेको छ। बिहीबार प्रतितोला १२ सय १० रुपैयाँमा कारोबार भएको चाँदीको भाउ आज तोलामा ५ रुपैयाँले बढेको हो।
शुक्रबार चाँदी प्रतितोला १२ सय १५ रुपैयाँमा किनबेच भइरहेको छ।
