काठमाडौं- नेपाल प्रहरीको केन्द्रीय अनुसन्धान ब्युरोले बैंकिङ कसूर मुद्दाका फरार प्रतिवादीलाई सुन्दरीजलबाट पक्राउ गरेको छ।
फैसला कार्यान्वयन तथा फरार प्रतिवादीको खोजतलास एवं पक्राउका लागि परिचालित विशेष टोलीले बाराको जीतपुर सिमरा स्थायी घर भई बूढानीलकण्ठ गोल्फुटार बस्ने २६ वर्षीय अनिस सुन्दासलाई पक्राउ गरी सोमबार सार्वजनिक गरेको हो।
प्रतिवादीले आफ्नो खातामा पर्याप्त मौज्दात रकम नभएको जानी–जानी झुक्याएर पीडितलाई लक्ष्मी बैंकको चेक दिएका थिए। सोहीअनुरुप उच्च अदालत पाटनले २०७७ चैत ८ गते सुन्दासलाई बैंकिङ कसूर तथा सजाय ऐन, २०६४ बमोजिम सात दिन कैद र सात लाख रुपैयाँ जरिवाना हुने फैसला गरेको थियो।
फैसला कार्यान्वयनका लागि ललितपुर जिल्ला अदालतमा पेस गरिएको ब्युरोका प्रहरी उपरीक्षक कमल थापाले बताए।
