बलिउड कलाकार सिद्धार्थ शुक्लाको हृदयघातबाट निधन

१७ भदौ, काठमाडौं । वलिवुड टिभी कलाकार सिद्धार्थ शुक्लाको ४० वर्षको उमेरमा निधन भएको छ । भारतीय सञ्चार माध्यमका अनुसार उनको हृदयघातका कारण कोपर अस्पताल, जुहु मुम्बईमा बिहीबार निधन भएको हो।

उनी चर्चित टेलि श्रृंखला ‘बालिका बधु’ हुँदै वलिवुडमा प्रवेश गरेका थिए। बुधवार राति सुत्नुभन्दा पहिले औषधि खाएर सुतेका उनको स्वास्थ्यमा समस्या आएपछि उनलाई मुम्बईको कुपर अस्पतालमा लगिएको तर त्यहाँ पुग्नासाथ उनलाई चिकित्सकहरुले मृत घोषणा गरेको बताईएको छ ।

भारतको चर्चित रियालिटी हो ‘बिग बोस सिजन १३ का विजेता समेत रहेका शुक्लाको निधन के कारणले भयो भन्ने प्रहरीले अनुसन्धान गरिरहेको बताएको छ ।