विश्वभर टिकटक चलाउनेको संख्या एक अर्ब पुग्यो

काठमाडौँ – टिकटक विश्वकै बढी रुचाइएको भिडियो एप बनेको छ।

सोमबार आफ्नो ब्लग पोस्टमार्फत टिकटकले नयाँ सफलता घोषणा गरेको छ, जसमा एपको अहिले विश्वभर एक अर्ब प्रयोगकर्ता पुगेको इन्ग्याजेटले जनाएको छ।

एक वर्षअघि ट्रम्पको प्रशासनले टिकटकलाई अमेरिकामा प्रतिबन्ध लगाउने धम्की समेत दिएको थियो। यता भारतले पनि यो चिनियाँ एपलाई आफ्नो देशमा प्रतिबन्ध लगाएको छ। विश्वका ठूला शक्तिशाली देशले लगाएको बाधापछि पनि टिकटकले एक अर्ब सक्रिय प्रयोगकर्ता कमाउन सफल भएको छ।

टिकटकको उचाइ र छोटो भिडियो बनाउने कन्टेन्टको सिको गर्दै इन्स्टाग्राम र युट्युबले पनि टिकटकजस्तै इन्स्टाग्राम रिल्स र युट्युब सर्ट्स एप ल्याएको इन्ग्याजेटको भनाइ छ।